Publicidade

Ourense Termal


Atrás · Actualidade · A guía de ECO · Subscrición · Contacto

'Galicia bonita' contra o feísmo urbanístico



REDACCIÓN · PUBLICADO O 25 DE ABRIL DE 2019 · (5)




A Televisión de Galicia presentou onte un novo programa destinado a mostrar que é posible rematar co “feísmo” que asolaga a nosa contorna fomentando o respecto ao medio ambiente e a sostibilidade. Cun formato divertido e moi dinámico, o equipo liderado pola arquitecta Rosa Facal traballará contrarreloxo para mostrar a “Galicia bonita”.

O novo programa da Televisión de Galicia, que se estreará o próximo luns ás 22:00 horas, é unha produción de Lúa Ideas que bota man dun formato puramente televisivo como é o docu-reality para denunciar o “feísmo” que padece Galicia, pero tamén para mostrar que ten solución.

Co asesoramento –e a man dura– da arquitecta Rosa Facal, especialista na recuperación de contornas rurais, un equipo de profesionais formado por Carlos Vélez, Olalla Rodríguez, Javier Rodríguez e Laira Fafián, percorrerá Galicia durante nove semana para demostrar –ás veces con máis imaxinación ca recursos–, que é posible volver a presumir de Galicia bonita. […]

Galicia bonita é isto, poñer en concordancia a nosa paisaxe natural con estoutra paisaxe, fomentar así o coidado do noso patrimonio”, asegura a arquitecta xalleira, que explica que traballaron “en hórreos, galpóns, na típica parcela, na eira que está mal arranxada, en vivendas e mesmo no exterior dun bar”.

Deste xeito cada programa permitirá ver un modelo de rehabilitación coas súas peculiaridades e coas problemáticas que enfrontan os propietarios á hora de asumir as reformas. Precisamente eles serán, en gran medida, os protagonistas do programa, grazas á súa espontaneidade e a unha naturalidade que aporta gran frescura ao formato permitindo a calquera persoa empatizar con eles ao verse reflectidos na situación.

Ideas sinxelas contra o “feísmo”

Rosa Facal explica que “moitos casos que dan lugar a ese 'feísmo' están provocados pola simple e respectable idea de darlle solución de xeito rápido, e sobre todo económico, a un problema puntual que se presenta nunha propiedade”. 

Á preestrea que tivo lugar onte en Santiago de Compostela acudiron practicamente todas as persoas que puxeron as súas propiedades en mans deste equipo. Todas chegaron encantadas co resultado da reforma e saíron aínda máis satisfeitas coa montaxe do programa, que levantou tantos aplausos como gargalladas ao longo de toda a emisión. Un éxito que a produtora agarda repetir cada luns en forma de audiencia. […]

Desde Lúa Ideas explican que “trata de fomentar valores de coidado do patrimonio partindo do concepto tan de moda Do it yourself ou Faino ti, a práctica de fabricación ou reparación das cousas por un mesmo, de xeito que se aforra, se aprende e se entretén ao mesmo tempo”.

Isabel García, produtora de Galicia Bonita, asegura que este programa foi “un auténtico reto profesional” xa que tivo que sumar á produción televisiva “a realización dunha obra, diferente en cada programa, con todos os problemas que conleva e cun prazo de execución de cinco días”. Asegura que non sería posible facelo sen “un equipo técnico de primeiro nivel” entre o que destaca o director do programa, Carlos Quirós, “sempre disposto a buscar solucións a calquera inconveniente que ía xurdindo”.

Deste xeito foi posible superar a desconfianza de moitos propietarios, as dificultades dos proxectos, as contrariedades das obras e mesmo os contratempos meteorolóxicos, que en máis dunha ocasión complicaron tanto a reforma como a propia gravación. E o resultado dese esforzo é un programa destinado a converterse na gran revelación televisiva da temporada. Unha ventá para mostrar con orgullo os recunchos da xeografía galega e as marabillas da paisaxe que namora a todos os foráneos.

(Extracto da reportaxe que se publicará no número 336 - maio 2019)



Comentar noticia








Enviar

Comentarios (5)



Raul

07 de maio de 2019

Como podo apuntarme o progama?

Raul lopez

07 de maio de 2019

Como podo apuntarme o progama?

ecodixital

08 de maio de 2019

Ola Raúl. Debes contactar coa TVG, nós non somos os produtores. Saúdos!

Francisco

23 de xuño de 2019

Solo selo acen alos ricos com mas de una casa y alos que no tienen dinero nise interesan de ellos no dan pubricida

Sara

24 de xuño de 2019

Como podo anotarme?