Atrás · Actualidade · A guía de ECO · Subscrición · Contacto

Técnicas do FBI para negociar



REDACCIÓN · PUBLICADO O 08 DE SETEMBRO DE 2020 · (0)



“Un dos ensinos que nos deixa a crise sanitaria a nivel empresarial é que todos os empregados son importantes para as compañías, e sumar forzas desencadea bos resultados” explica David Castelló, experto do Instituto de Negociación e Comunicación Eficiente (INCE), que dá cinco regras de ouro aplicables a unha negociación empresarial.


É importante, de partida, que procures puntos en común reais e que trates de ver ao teu xefe como a un compañeiro. Isto permitirá construír unha relación boa, verdadeira e positiva nas negociacións do día a día.

A importancia de elixir ben o momento. Este aspecto que pode parecer irrelevante é clave. David Castelló sinala “vin persoas que me viñan ao despacho nun momento de tensión fatal, véndome a cara desencaixada, e xusto sacábanme nese momento un asunto que requiría certa negociación entre os dous”. Debemos encaixar as nosas conversacións importantes en momentos nos que o superior estea máis tranquilo. Ademais, fuxamos de tratar de negociar certos asuntos demasiado pronto ou demasiado tarde: no momento oportuno.

As ameazas nunca son unha boa opción. Este tipo de técnica conseguen a maioría das veces o efecto contrario do que pretenden. Mostra debilidade, deslealdade e falta de control. Calquera que fose a situación anterior á negociación, isto seguramente a vai a empeorar.

A preparación é a clave do éxito. Elixe ben o momento, prepara os motivos obxectivos en que se apoian as túas propostas, pensa nas contraargumentacións que recibirás e se son lexítimas ou non. Escribe que responderías a cada cousa e que motivo obxectivo hai detrás de cada caso. Prepara as opcións que podes propoñer para chegar a un acordo e pensa en que intereses ten a outra parte que poderías cubrir. No caso dunha negociación de salario, é posible que vaias só co diñeiro na cabeza e que non pensases noutras opcións que poden satisfacerche no seu lugar.

Evita un ton desilusionado. As persoas ás veces fano para remarcar o desgusto cunha situación concreta. Nada é máis aburrido e desmoralizador que alguén falando nunha actitude negativa e ‘ victimista’. “Trata sempre de usar un ton agradable, próximo e positivo, aínda que contes algo desagradable. Acompáñao dun sorriso sempre que poidas. Podes facer isto e ao mesmo tempo ser rotundo e claro coa mensaxe. Se o fas ben, a mensaxe non perde peso porque o fagas en ton positivo”, explica David Castelló.

Non digas nunca un NON. En xeral, a palabra ‘NON’ sen máis nunca debería ser resposta ás indicacións dun xefe. Podemos cambiar a posición negativa por un traslado do problema a dirección nunha procura común de opcións.

Non informes a outros membros do equipo. Moitas persoas comunican as súas intencións a outros compañeiros da oficina só para sentirse reforzados. Moitas veces, a información circula rapidamente entre as persoas e non se pode prever exactamente como pode influír no resultado da conversación coa responsable. Quizais outro empregado está a se expor unha subida salarial, por exemplo, e simplemente o feito de coñecer a túa intención acelera a súa negociación e adiántase. Este feito, en principio ‘menor’, pode en por si variar as opcións que tes no teu caso.



Comentar noticia








Enviar

Comentarios (0)