Publicidade

galicia calidade turismo


Atrás · Actualidade · A guía de ECO · Subscrición · Contacto

Será máis difícil financiar a compra dunha vivenda este ano? Sí



REDACCIÓN · PUBLICADO O 08 DE XANEIRO DE 2021 · (0)



Pola incerteza os bancos estableceron requisitos máis estritos para acceder aos préstamos polo que os clientes cun perfil máis delicado, poucos aforros, débedas ou inestabilidade laboral, non poderán acceder. E custará obter financiamento de máis do 80% da compra.


“Malia que se establezan condicións máis estritas as previsións presentan un aumento na demanda de préstamos hipotecarios. O prezo das vivendas manterá unha tendencia en baixa durante este ano, o que presenta máis oportunidades de compra para moitos cidadáns e, por tanto, máis solicitudes de financiamento”, explica Anna Puigdevall, tesoureira de FIABCI España e directora xeral da Asociación de Axentes Inmobiliarios de Catalunya (AIC).

A situación financeira de moitos fogares empeorou tras a crise económica pola xestión da pandemia, pola inestabilidade causada polos ERTEs, o peche dalgunhas empresas e a imposibilidade de moitos autónomos de poder abrir. Fronte a este contexto os bancos impoñerán requisitos especiais ao analizar e aprobar os requisitos de financiamento para evitar falta de pagamentos.

Xeralmente, nos primeiros meses do ano,os bancos teñen a subir os prezos das hipotecas, polo que é probable que se incrementen as taxas de interese. Unha vez finalizado este período, é posible que as entidades financeiras non rebaixen os diferenciais das hipotecas variables para manter a rendibilidade dos produtos, xa que se espera que o euribor cotice en valores negativos ao longo do ano. De feito, o euribor terminou o 2020 con mínimos históricos, chegando ao seu nivel máis baixo cun -0,496%. Prevese que o índice se manteña estable ao longo de 2021, pero aínda en valores negativos. “Se o euribor mantense en valores negativos, aqueles hipotecados con intereses a tipo variable poderán aforrar entre 250 e 350 euros ao ano aproximadamente”, destaca Puigdevall.

As hipotecas a tipo fixo consolídanse

Cada vez máis clientes elixen hipotecas fixas, aínda que isto signifique maiores custos a curto prazo. Ademais, estas presentan garantía e seguridade para os bancos, xa que supoñen maiores ingresos que as de tipo variable. Con todo, as entidades financeiras quererán compensar con outros gastos para facelas máis rendibles: “É probable que os bancos esixan a contratación de máis produtos, como seguros de vida e fogar ou plans de pensións, para obter hipotecas; así como tamén incluír máis comisións por novación, subrogación ou amortización anticipada”.



Comentar noticia








Enviar

Comentarios (0)