Publicidade

Ourense Termal


Atrás · Actualidade · A guía de ECO · Subscrición · Contacto

Integrando WhatsApp na estratexia do comercio electrónico



REDACCIÓN · PUBLICADO O 14 DE XUñO DE 2017 · (0)



Máis de 1.200 millóns de persoas en todo o mundo o usan, e os españois somos os  europeos que máis utilizamos a app para comunicarse. Entre as vantaxes de ofrecelo ao cliente: se houbo un problema coa compra pode enviar na mesma conversa o ticket ou imaxes do produto sen necesidade de tirar do correo electrónico.


“Non cabe dúbida de que WhatsApp pódese converter nun gran aliado pero cómpre saber como como integralo”, explica Jordi Vives, Country Manager de Trusted Shops, comparte algunhas claves. “O seu uso dálle a posibilidade á empresa de crear unha relación directa e próxima e pode conseguir xerar engagement”.

Diversidade na forma de contacto. Facilitar un teléfono de contacto ou un formulario na web é imprescindible, pero tamén se pode mellorar o servizo de atención ao cliente incluíndo WhatsApp. Resulta moi cómodo.

Resposta inmediata. Cando se contacta cun eCommerce espérase inmediatez na resposta. Se o servizo que a empresa vaia a ofrecer por WhatsApp non é instantáneo cómpre deixalo moi claro. Pódese establecer un horario de atención  indicándoo na web e mesmo no estado de WhatsApp, no que se inclúa un tempo máximo e aproximado de espera.

Envío de arquivos na mesma conversa. É unha das grandes vantaxes. Desta forma, se houbo un problema coa compra, o cliente pode enviar o ticket de compra ou imaxes dun produto recibido con incidencias sen necesidade de ter que recorrer ao correo electrónico. 

Posibilidade de aumentar as vendas. Cando un potencial cliente ten algunha dúbida atopará máis efectivo poder contactar por WhatsApp e obter unha resposta inmediata que encher un formulario.

Non supón gasto extra. Máis aló do gasto de tempo e persoal que leva pola dedicación que require.



Comentar noticia








Enviar

Comentarios (0)