O prezo medio por noite nos aloxamentos galegos esta Semana Santa, 70 euros
Pechamos estes días pasada por auga cunha ocupación media do 58 % entre o luns e o domingo, segundo os datos ofrecidos hai unhas horas pola Cluster de Turismo de Galicia. E cos estadounidenses como segundos visitantes foráneos.
Malia o tempo salvouse a cara, houbo cancelacións pero nos días centrais rexistráronse os mellores datos.
Máis cifras? A estadía media dos turistas foi de catro noites, cifra que superou as previsións iniciais cun turismo nacional claramente maioritario, representando preto do 78 % do total, e cun predominio do turismo interior galego, seguido de viaxeiros de Madrid, Castela e León, Andalucía e Asturias. De fóra viñeron sobre todo do veciño Portugal, e despois sorprendentemente de Estados Unidos e Alemaña.
O xoves santo a ocupación alcanzou o 77 %, o venres un 74 % e o sábado chegou ao 78 % segundo o SIMADA (Sistema de Monitorización e Análise de Datos de Aloxamento), unha ferramenta impulsada polo propio Cluster ao dispor das empresas de aloxamento que conten cun PMS (Propery Management System). Facilita a toma de decisións xa que establece unha comparativa entre a empresa e unha selección doutros.
Comentarios (0)