Os alimentos recoñecidos polo Clusaga, promocionados por Vegalsa-Eroski
O Clúster Alimentario de Galicia e a compañía galega de distribución presentaron no hipermercado Eroski A Sionlla de Santiago unha iniciativa co punto de partida nos Premios Galicia Alimentación 2025 que se deron o pasado xuño na Cidade da Cultura.
Foron varias empresas gañadoras e finalistas e unha selección de todo ten este mes un lugar destacado e recoñecible en máis de vinte establecementos. Entre os gañadores: a xenebra ecolóxica ADA Berries e as Perlas de Vinagre de Vinagres do Ribeiro.
Entre os finalistas tamén atopamos a Pazo de Valdomiño co seu licor de herbas aromáticas, ao iogur xeado para mascotas de YowUp!, ao pastrami artesanal de vacún de Montepicato e ás conservas Fusión de Friscos.
Taménestán o vermú Povarelo, o viño branco sen alcol Marieta Sin de Martín Códax, o kéfir café de Casa Grande de Xanceda, a castaña con chocolate de Cuevas, e o xeado de queixo de Arzúa con marmelo de Bico de Xeado.
Durante setembro e a maiores os clientes entran no sorteo de cinco lotes que inclúen todos os produtos destacados. É suficiente con comprar algún artigo da promoción, escanear o código QR dispoñible na cartelería das tendas Eroski-Vegalsa e cubrir o formulario en liña, incorporando a imaxe do ticket de compra como comprobante.
Entre os produtos premiados, por exemplo, ADA Berries, unha xenebra ecolóxica que fan na adega Pazo de Valdomiño combinando plantas aromáticas como o breixo e o loureiro con triplo destilación en cobre; as perlas de vinagres do Ribiero que preséntase con sabor a pementos de Padrón ou uvas pasas, e Marieta Si, o primeiro albariño sen alcol elaborado por Martín Códax, afrutado e con notas cítricas.
Ao mesmo tempo Clusaga lanza un selo oficial de recoñecemento que poderán usar as marcas finalistas e gañadoras do certame.
Comentarios (0)